मकवानपुर — नेकपा एमाले वाग्मती प्रदेश संसदीय दलको नेतामा जगन्नाथ थपलिया चयन भएका छन् । प्रदेशसभाको दोस्रो ठूलो दल एमालेले थपलियालाई सर्वसम्मत रूपमा दलको नेता छनोट गरेको हो ।
बिहीबार हेटौंडामा बसेको संसदीय दलको वैठकले उनलाई दलको नेता चयन गरेको हो । उनी पार्टीको केन्द्रीय सदस्य हुन् ।
थपलिया चितवन १(१)बाट निर्वाचित भएका हुन् । दलको बैठकमा पूर्वमुख्यमन्त्री अष्टलक्ष्मी शाक्य र डोरमणी पौडेलको सहभागी थिए । थपलिया मुख्यमन्त्रीको दाबेदारसमेत हुन् । वाग्मती प्रदेशसभामा एमालेको २७ जना सदस्य छन् ।
