दाहालले आफ्नै निर्वाचन क्षेत्रमा बनाए घर
चितवन — नेकपा माओवादी केन्द्रका अध्यक्ष एवं पूर्वप्रधनान्त्री पुष्पकमल दाहालले आफ्नै निर्वाचन क्षेत्र चितवन-३ अन्तर्गत पर्ने भरतपुर महानगरपालिका-१४ शिवनगरमा नयाँ घर बनाएका छन् ।
सोमबार बिहान दाहाल औपचारिक रुपमा घर प्रवेश गरेका हुन् । शिवनगर दाहालको पुरानो ठाउँ हो । दाहाल सानै छँदा उनको परिवार कास्कीको ढिकुरपोखरीबाट बसाइँ सरेर शिवनगरमै आएर बसेको थियो ।
सोही ठाउँमा दाहालले हाल एकतले घर बनाएका हुन् । दाहालले अघिल्लो निर्वाचनमा शिवनगरमा भाडाको घर लिएर चुनावी अभियान चलाएका थिए । दाहाल सत्तारूढ गठबन्धनको उम्मेदवारका रूपमा फेरि चितवन-३ बाट उम्मेदवार हुने प्रवल सम्भावना छ ।
प्रकाशित : आश्विन १०, २०७९ १३:२८प्रतिक्रिया