बैंकका कर्मचारीहरू चढेकाे माइक्राे बस दुर्घटना, १८ घाइते
काठमाडौँ — चितवन-नारायणगढ मुग्लिन सडकको भरतपुर महानगरपालिका-२९ भोर्लेमा सोमबार दिउँसो माइक्रो बस दुर्घटना हुँदा १८ जना घाइते भएका छन् । नारायणगढबाट मुग्लिनतर्फ जाँदै गरेको बा ३ ख ८५८८ नम्बरको माइक्रो बस सडकबाट ३० मिटर जति तल खसको थियो ।
चितवन जिल्ला प्रहरी कार्यालयका डीएसपी रविन विष्टका अनुसार दिउँसो ४ बजेतिर दुर्घटना भएको उक्त माइक्रो बस बाँसको झ्याङमा अड्केका कारण त्रिशुली नदीमा खस्नबाट जोगिएको थियो ।
उक्त माइक्रो बसमा मुक्तिनाथ विकास बैंकका कर्मचारीहरू चढेर धादिङ जाँदै गर्दा दुर्घटनामा परेको प्रहरीको भनाइ छ । घाइतेमध्ये एक जनाको अवस्था गम्भीर छ । घाइतेहरूको भरतपुरमा रहेको चितवन मेडिकल कलेजको शिक्षण अस्पतालमा उपचार भइरहेको छ ।
प्रकाशित : श्रावण १६, २०७९ १८:३५प्रतिक्रिया