नारायणगढ-मुग्लिन सडकमा ठाउँठाउँमा पहिरो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
चितवन — अविरल वर्षापछि ठाउँठाउँमा गएको पहिरोका कारण नारायणगढ–मुग्लिन सडक शुक्रबार पनि अवरुद्ध छ ।
![](https://assets-cdn.ekantipur.com/uploads/source/ads/900x100-1172024092759.gif)
![नारायणगढ-मुग्लिन सडकमा ठाउँठाउँमा पहिरो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/jalbire-ko-pahiro-1-0272021052819-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
जिल्ला प्रहरी कार्यालय चितवनका प्रवक्ता डीएसपी सूर्य थापाले सो सडकखण्डको चार किलो र पाँच किलोमा पहिरो जाँदा शुक्रबार बिहानैदेखि यातायात अवरुद्ध भएको बताए । बिहान सात बजेतिर फेरि मुग्लिनदेखि सात किलो मिटर पर जलबिरेमा पहिरो गएको छ । जलबिरेको पहिरोमा एउटा ट्रकको आधा भागसमेत पुरिएको स्थानीय पत्रकार चित्र गुरुङले बताए ।
पहिरोले दुईतर्फी नै गाडी रोकिएका छन् । पहिरो पन्छाउने काम सुरु भए पनि गाडी चल्ने बनाउन समय लाग्ने अवस्था रहेको डीएसपी थापाले बताए । सो सडकमा पहिरो जाँदा बिहीबार बिहान सबेरैदेखि गाडी रोएिका थिए । बिहीबार चार किलो, पाँच किलो र केराबारीमा पहिरो गएको थियो । १४ किलोमा डाँडाबाट सडकमा ठूलो ढुंगा खसेको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)