निर्माणाधीन कमला पुल भासियो

१२ वटा स्पान र १३ वटा पिलरमध्ये सिरहातर्फबाट दोस्रो पिलर भासिएको हो । २०६८ सालमा निर्माण थालिएको पुलको काम सक्न अझै बाँकी छ ।

७ वर्षसम्म पप्पु कन्स्ट्रक्सनले सुस्त गतिमा काम गरेपछि हुलाकी राजमार्ग निर्देशनालय जनकपुरधामले हटाएर लुम्बिनी बिलर्डसलाई पुल निर्माणको जिम्मेवारी सुम्पेको थियो । विगत तीन वर्षदेखि लुम्बिनी बिलर्डसले पुल निर्माणको काम गर्दै आएको थियो । पुल निर्माणको काम ९५ प्रतिशत मात्र पूरा भएको छ ।

४ सय ७० मिटर लम्बाइ रहेको पुलको साउन दोस्रो साता उद्घाटन गरी यातायात सञ्चालन गर्ने योजना थियो ।