कान्तिपुर वेबसाईट
AdvertisementAdvertisement

जलमग्‍न जलेश्‍वर (तस्बिरहरु)

सुनिता बराल

महोत्तरी — महोत्तरी र धनुषाको सिमाना भएर बग्‍ने रातु खोलाको बाँध भत्किएपछि जिल्लाको सदरमुकाम जलेश्वरसहित दक्षिणि क्षेत्रका आधा दर्जन बस्ती डुबानमा परेका छन् । लगातारको वर्षाले खोलामा पानीको बहाव बढेपछि बाँध भत्किएको थियो । 

एकडारा गाउँपालिका ६ कोल्हुवा र महोत्तरी गाउँपालिकाको रानी रतवाराबाट तटबन्ध भत्काउँदै खोला बस्तीमा पसेको स्थानीयले बताएका छन् ।

जलेश्वर नगरपालिका ८ को रमौल र बजराही हुँदै बाढिको पानी जलेश्वरमा पसेपछि सो क्षेत्रका बस्ती जलमग्‍न भएको जलेश्वर-२ अस्पताल चौकका बादल साहले बताए । जलेश्वरसँगै जोडिएको मटिहानी नगरपालिकाको सिमरदही,बहुअर्वा,पासवान टोल लगायतको बस्तीमा पनि विगही खोला पसेर डुबान भएको स्थानीयले बताएका छन् । घुँडाभन्दा माथि पानी पुगेकाले स्थानीय समस्यामा परेका छन् ।


केहि बस्ती डुबानमा परेको भएपनि अहिलेसम्म धनजनको क्षति नभएको महोत्तरीका प्रमुख जिल्ला अधिकारी कृष्णबहादुर कटुवालले बताए ।

पानीको बहाब बढेर जोखिम सिर्जना भएमा खोज तथा उद्धारका लागि जिल्ला विपद् व्यवस्थापन समिति तयारी अवस्थामा रहेको कटुवालले जानकारी दिए । खोलाले बाँध भत्काएको रानी रतवारास्थित तटबन्ध टुटेको स्थानतर्फ नेपाली सेनाको टोली गइसकेको र त्यहाँ पानी रोक्न प्रयास गरिने प्रजिअ कटुवालले बताए ।


महोत्तरीमा प्रत्यक वर्ष बाढी र डुबानबाट ४० हजारभन्दा बढि मानिस प्रभावित बन्दै आएका छन् । यसवर्ष १९ हजार ७ सय ८८ घर र ८५ हजार मानिस बाढी र डुबानको उच्च जोखिममा रहेको जिल्लास्थित विपद् व्यवस्थापन समितिले जनाएको छ ।

प्रकाशित : असार २८, २०७७ १६:३७
प्रतिक्रिया
पठाउनुहोस्

पछिल्लो २४ घन्टामा थप ८२ जना कोरोना संक्रमित, १४७ डिस्चार्ज

कान्तिपुर संवाददाता

काठमाडौँ — मुलुकमा थप ८२ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयले आइतबार गरेको पत्रकार सम्मेलनमा पछिल्लो २४ घन्टामा ८२ जनामा कोरोना संक्रमण पुष्टि भएको जानकारी दिइएको हो । नेपालमा हालसम्म १६ हजार ८०१ जना संक्रमित भएका छन् । 

सोही अवधिमा १४७ जना कोरोना संक्रमित निको भएर घर फर्किएका प्रवक्ता डा जागेश्वर गौतमले जानकारी दिए । अहिलेसम्म नेपालमा ८ हजार ५८९ निको भइसकेका छन् । यो कूल संक्रमितको आधारमा ५१.१ प्रतिशत निको भएको प्रवक्ता गौतमले बताए । उनका अनुसार गएको २४ घन्टामा ३ हजार ९१६ पीसीआर परीक्षण भएका छन् ।

नयाँ संक्रमितको जिल्लागत विवरण

  • धनुषा १९
  • सुर्खेत ११
  • कालीकोट ७
  • तनहुँ ६
  • काठमाडौं ५
  • चितवन ५
  • मोरङ २
  • बागलुङ २
  • लमजुङ २
  • पर्वत २
  • रुकुम पश्चिम २
  • डडेलधुरा २
  • कैलाली २
  • झापा १
  • सर्लाही १
  • सिन्धुपाल्चोक १
  • ललितपुर १
  • सोलुखुम्बु १
  • मकवापनुर १
  • सिन्धुली १
  • नवलपरासी पूर्व १
  • स्याङ्जा १
  • गोरखा १
  • गुल्मी १
  • पाल्पा १
  • दैलेख १
  • बझाङ १
  • दार्चुला १

प्रकाशित : असार २८, २०७७ १६:२७
पूरा पढ्नुहोस्
प्रतिक्रिया
पठाउनुहोस्
×