२०७० सालमा भएको दोस्रो संविधानसभा निर्वाचनमा धनकुटा क्षेत्र नं. २ बाट उम्मेदवारी दिएका राई तत्कालिन राप्रपाका उम्मेदवार सुनिलबहादुर थापासाग पराजित भएका थिए । पूर्व प्रधानमन्त्री सूर्यबहादुर थापाका छोरा सुनिलबहादुर थापा अहिले नेपाली कााग्रेसको तर्फबाट कोशी प्रदेशको प्रतिनिधित्व गर्दै राष्ट्रिय सभामा निर्विरोध निर्वाचित  भएका छन् ।

२०७० को दोस्रो संविधानसभा निर्वाचनमा सुनिलबहादुर थापासाग राजेन्द्र कुमार राई ४ सय ५४ मतले पराजित भएका थिए । २०७४ को प्रतिनिधिसभा निर्वाचनमा भने राईले थापालाई बामगठबन्धनको बलमा १० हजार ४ सय ५९ मतान्तरले हराए । २०७९ सालको प्रतिनिधिसभा निर्वाचनमा फेरि नेपाली काँग्रेस गठबन्धनबाट सुनिलबहादुर थापा र एमालेबाट राजेन्द्रकुमार राईनै प्रतिस्पर्धीको रुपमा लडे । यो पटक पनि राईले थापालाई १ हजार ३ सय ९७ मतले हराए ।

२०७९ सालमा गरिबी निवारण मन्त्री बनेका राईले २०८० फागुनमा खानेपानी मन्त्रालयको जिम्मेवारी पाएका थिए । २०७८ मंसिरमा सम्पन्न एमालेको दशौं महाधिबेशनबाट पहिलोपटक केन्द्रय सदस्यमा निर्वाचित भएका उनी मंसिरमा भएको एमालेको ११ औं महाधिवेशनबाट पुनः केन्द्रीय सदस्यमा दोहोरिएका छन् ।