काठमाडौँ — सिनामंगल-गैरीगाउँ क्षेत्रबाट पनि प्रहरीले सुकुमवासी बस्ती खाली गराइरहेको छ । यसअघि थापाथलीको बस्ती खाली गराइएको थियो ।
सिनामंगलमा प्रहरी आफै खटिएर सामान लोड गर्न सघाइरहेको छ ।
सुकुमवासी परिवार व्यवस्थापन योजनाअन्तरगत दिउँसो १ बजेसम्म जम्मा २२ परिवार मात्रै सरकारको सम्पर्कमा आएका छन् । सरकारले त्रिपुरेश्वरस्थित दशरथ रंगशालामा नाम दर्ता प्रक्रिया जारी राखेको छ । थापाथलीस्थित सुकुमवासी बस्तीबाट ९ परिवार र गुह्येश्वरी फाँटबाट १३ परिवारले दर्ता गराएका हुन् ।