राति करिब ८ बजेदेखि सुरु भएको आँधीका कारण रुख ढल्दा अवरुद्ध बनेको कोशी राजमार्ग भने मंगलबार बिहान ८ बजेदेखि पुनः सञ्चालनमा आएको छ ।
धनकुटा — सोमबार राति आएको आँधीहुरीसहितको वर्षाले धनकुटाका विभिन्न स्थानमा भौतिक क्षति पुर्याएको छ । राति करिब ८ बजेदेखि सुरु भएको आँधीका कारण रुख ढल्दा अवरुद्ध बनेको कोशी राजमार्ग भने मंगलबार बिहान ८ बजेदेखि पुनः सञ्चालनमा आएको छ ।
आँधी हुरीका कारण जिल्लाभर सरकारी तथा निजी संरचनामा ठूलो क्षति पुगेको छ । प्रमुख जिल्ला अधिकारी विनोदकुमार खड्काका अनुसार धनकुटा सदरमुकाममै करिब दुई दर्जन सरकारी भवनमा क्षति पुगेको छ ।
सदरमुकामस्थित सल्लेरी राष्ट्रिय वनमा करिब १०० वटा ठूला सल्लाका रुख भाँचिएर ढलेका छन्, जसका कारण भित्री सडकहरू अवरुद्ध बनेका छन् ।
सिधुवा, जोरपाटी, हिले र सदरमुकामलगायत क्षेत्रमा ठूलो क्षति पुगेको जनाइएको छ । विद्युत प्राधिकरणका हेम थापाका अनुसार मुख्य स्थानमा ढलेका पोल हटाउन सके आज साँझसम्म केही क्षेत्रमा विद्युत सेवा आंशिक रूपमा सुचारु गर्न सकिने सम्भावना रहेको छ । विद्युत सेवा अवरुद्ध हुँदा इन्टरनेट सेवा पनि प्रभावित बनेको छ ।
![Damage caused by Monday's storm [Photos]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2026/miscellaneous/64936318328146967822002138261838322241572218n-1732026053044-1000x0.jpg&w=1001&h=0)
![Damage caused by Monday's storm [Photos]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2026/miscellaneous/64913349919703101838369388917101854956337381n-1732026053120-1000x0.jpg&w=1001&h=0)
![Damage caused by Monday's storm [Photos]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2026/miscellaneous/65033543316478547897305203309428633617473095n-1732026053114-1000x0.jpg&w=1001&h=0)
![Damage caused by Monday's storm [Photos]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2026/miscellaneous/6483954951612348273338268920058694864937117n-1732026053108-1000x0.jpg&w=1001&h=0)