सम्पदा क्षेत्रको संरक्षण र सहरी विकास कार्यक्रम अन्तर्गत काठमाडौं महानगरपालिकाको पहलमा यहाँ पुनर्निर्माणको काम थालिएको हो । पुनर्निर्माण अघि क्षमापूजा गरिएको थियो । पोखरी पुनर्निर्माणका लागि करिब ५२ लाख खर्च हुने अनुमान गरिएको छ । पोखरीको गहिराई, किनार र छेउछाउका स्थललाई ऐतिहासिक झल्को दिने, अनावश्यक संरचना हटाउने, फुटपाथ बढाउने, फल्चा बनाउने, बालमैत्री क्षेत्र र हरियाली क्षेत्र बढाउनेसहित पर्यटक सहायता केन्द्र स्थापना गर्ने लगायतका कामसहित महानगरले पुनर्निर्माणको काम अघि बढाएको छ ।