पुष्पकमल दाहाल नेतृत्वको नेकपा (माओवादी केन्द्र)को पहलमा एकीकृत भएका १० वटा कम्युनिष्ट पार्टीहरूको सम्मेलन बुधबार काठमाडौंमा सुरु भएको हो ।
काठमाडौँ — नेपाली कम्युनिष्ट पार्टीको एकता राष्ट्रिय सम्मेलन सुरु भएको छ । पुष्पकमल दाहाल नेतृत्वको नेकपा (माओवादी केन्द्र)को पहलमा एकीकृत भएका १० वटा कम्युनिष्ट पार्टीहरूको सम्मेलन बुधबार काठमाडौंमा सुरु भएको हो ।
सम्मेलनमा पार्टीका शीर्ष नेता पुष्पकमल दाहाल, माधवकुमार नेपालसहित सबै घटकका नेताहरूले संयुक्त रूपमा रिमोट थिचेर सम्मेलनको औपचारिक सुरुवात गरेका छन् ।
नेता वर्षमान पुनका अनुसार सम्मेलनलाई शीर्ष नेताहरूले सम्बोधन गर्ने कार्यक्रम रहेको छ ।
सम्मेलनमा पार्टीको विधान, केन्द्रीय समिति गठन गर्ने तथा निर्वाचन आयोगमा दल दर्ताका लागि आवश्यक निर्णय लिने एजेन्डा तय गरिएको छ ।
