बस्तीका संरचनामा डोजर चलाउन थालेपछि आक्रोशित स्थानीयले विरोधमा ढुंगामुढा प्रहार गरेका थिए ।
काठमाडौँ — मनोहरा खोला किनारका सुकुमवासी र काठमाडौं महानगर प्रहरीबीच झडप भएको छ । काठमाडौं महानगरपालिकाको नगर प्रहरीले बिहानै बस्तीका संरचनामा डोजर चलाउन थालेपछि आक्रोशित स्थानीयले विरोधमा ढुंगामुढा प्रहार गरेका थिए । त्यहीक्रममा सुकुमवासी र नगरप्रहरीबीच झडप भएको हो ।
स्थानीयले नगर प्रहरीमाथि ईंटा–ढुंगा प्रहार गरेपछि प्रहरीले लाठीचार्ज गरेको थियो । लाठीचार्जपछि सथानीय तितिरबितर भएका थिए ।
शुक्रबार बिहानै नेपाल प्रहरीसहित डोजर लिएर पुगेको नगर प्रहरीले सुकुमवासीका टहरामा डोजर लगाएको थियो ।
