खासमा स्थानीय नेवार समुदायमा भने ‘चखुँचा स्वाँ’अर्थात् भँगेरी फूल भनेर पनि यो फूललाई चिन्छन् । वनस्पतिविद् डा. तीर्थबहादुर श्रेष्ठका अनुसार काठमाडौंका सडकछेउमा यस्ता फूल फुल्न थालेको आधा दशकजति मात्रै भएको छ । साथै नेपालका लागि ज्याकारान्डा एक आयातित वनस्पति भएको विज्ञहरूको भनाइ छ ।

विशेषगरी काठमाडौंको दरबारमार्ग, रत्नपार्क, टुंडिखेल, वाग्मती नदी किनारलगायतका सडकछेउमा ज्याकारान्डाले चर्किँदो घामका बीच पैदलयात्रीलाई शीतलता प्रदान गरिरहेको छ । यस्तै ललितपुरको महालक्ष्मीस्थान, इमाडोल, रिङरोड, भित्री ठाउँहरुमा यो फूल ढकमक्कै फूलेका छन् ।