मुलुकका प्रधानमन्त्री केपी शर्मा ओलीको व्यक्तिगत ‘इगो’ का कारण महानगरका कर्मचारीले नियमित तलब खान पाएका छैनन् भने विकासका काममा अवरोध सिर्जना भएको छ ।
प्रधानमन्त्रीजस्तो व्यक्ति एउटा महानगरको मेयरसँग पौंठेजोरी खेलेर बस्ने कि देशको नीति–निर्माणको कार्यमा लाग्ने ? महानगर बन्यो भने देश नै बन्ने हो । यसमा विमति जनाउनुपर्ने आवश्यक छैन ।
तीन महिना भयो काठमाडौं महानगरपालिकामा प्रशासकीय अधिकृत नभएको । जसका कारण कर्मचारीको घर खर्च ठप्प भएको छ । कर्मचारीले तलबको भरमा आफ्नो परिवार पाल्छन् ।
काठमाडौं महानगरका प्रमुख बालेन साहको काममा साथ र सहयोग दिँदा सरकारको कद घट्ने होइन, झन् बढ्छ भन्ने लाग्छ । महानगर प्रमुखको हरेक काममा सरकारले किन अवरोध गरिरहेको छ, थाहा भएन ।
देशको अवस्थाप्रति गम्भीर बन्नुपर्नेमा प्रधानमन्त्री ओली मेयरसँग जोरी खोजेर बसेको देख्दा अचम्म लाग्छ ।
– पुरुषोत्तम घिमिरे
जोरपाटी, काठमाडौं
