काठमाडौँ — 'मुलुकमा फेरि नयाँ क्रान्ति आवश्यक : दाहाल’ शीर्षकको समाचारमा facebook.com/eKantipur बाट प्राप्त केही टिप्पणी :

कति नयाँमात्र गर्छौं, पुरानो पनि गर कहिलेकाहीँ ।
– महेन्द्रसिंह धामी

अझै जनतालाई भेडा बनाउने वाहियात गफ ।
– गोविन्द रिमाल

अब फेरि केको क्रान्ति होला कमरेड ?
– आनन्द घिमिरे

जानेकै त्यही छ, गरौं ! अरू हामीजस्ता ल्वाँठ तयार छँदै छौं ।
– मणिराज दाहाल

बिगार्न, भत्काउन र मास्न कांग्रेस पार्टी छँदै छ । त्योभन्दा माथि अरू के बाँकी रह्यो र ।
– चोलाकान्त खनाल

अब कसका लागि क्रान्ति ? तिमीहरू प्रधानमन्त्री बनिसक्यौ । आफ्नो छोराछोरी डाक्टर, मेयर, सुन तस्करी बनाएर मोज गराइसक्यौ । गरिब जनता, जो तिम्रो क्रान्ति सफल गर्न आफ्नो ज्यानको बलिदान दिएर लागेका थिए । तिनीहरूलाई नै पेट पाल्न गणतन्त्र ल्याएको देश छोडेर राजा भएको देशमा जान बाध्य पारिसक्यौ । अब कसका लागि केका लागि क्रान्ति ? गरिब जनताका लागि क्रान्ति गरेको भए आज आफ्नै देशमा गणतन्त्र ल्याएर जनतालाई मोज हुनुपर्ने होइन र ?
– नरेश सिंह

अब बूढो भइयो, नत्र आँट गर्दा हुन्थ्यो ।
– तीर्थ सिलवाल

सत्ता, सत्ताभन्दा पनि तपाईं प्रतिपक्षमा बसेर सरकारलाई सजक बनाउँदै राष्ट्रलाई गति दिएको अति राम्रो हुने रै’छ । बल्ल सरकारले पनि काम गर्न थाल्दो रहेछ ।
– कुश्माखर पोखरेल

पेट क्रान्ति ? परिवार क्रान्ति ?
– युवराज

बाँकी नेताहरूको तुलनामा प्रचण्ड एक देशप्रेमी नेता हुन् र नेपाली जनताले प्रचण्डको महत्त्व बल्ल बुझ्दै छन् ।
– विशेष गिरी

नयाँ क्रान्ति निश्चय पनि आवश्यक छ । तर प्रचण्डलाई सत्ता आरोहण गराउन र सत्ता बचाइदिनचाहिँ अब कसैले पनि ‘क्रान्ति’ गर्दैन ।
– अनुराग रोशन

प्रत्यक्ष निर्वाचित कार्यकारीसहित युगान्तकारी अन्य व्यवस्थाको निम्ति ।
–साम्देन छ्योङ्गेल