आइतबार मध्यान्ह विशेष सूचनाका आधारमा खटिएको टोलीले काठमाडौंको कुलेश्वरमा गोली प्रहार गरी एक भारतीय नागरिकसहित ३ जनालाई नियन्त्रणमा लिएको छ ।
काठमाडौं — लागुऔषध नियन्त्रण ब्युरोको टोलीले लागुऔषध कारोबारीलाई पक्राउ गर्न गोली चलाएको छ । आइतबार मध्यान्ह विशेष सूचनाका आधारमा खटिएको टोलीले काठमाडौंको कुलेश्वरमा गोली प्रहार गरी एक भारतीय नागरिकसहित ३ जनालाई नियन्त्रणमा लिएको छ ।
लागुऔषध कारोबारीलाई पक्राउ गर्ने क्रममा उनीहरूबाट उल्टै आक्रमण भएपछि गोली चलाउनुपरेको ब्यूरोका एसएसपी सुभाष बोहराले कान्तिपुरलाई बताए ।
प्रहरीको गोली लागेर एक भारतीय नागरिक घाइते भएका छन् । थप दुई नेपाली नागरिक पक्राउ परेका छन्। उनीहरूको नाम प्रहरीले सार्वजनिक गरेको छैन ।
