आन्दोलनका क्रममा घाइते भएका विकास रसाइलीले गाउँ समाजदेखि नै परिवर्तनको आवश्यकता महसुस भएकाले आन्दोलनमा सहभागी भएको जनाए । उनले आफूहरुको माग पूरा नभएसम्म आन्दोलन जारी रहने बताए । 

जेन-जी २.० का अभियन्ता सुनिल शाहीले प्रधानमन्त्री सुशीला कार्की पुस्ताको सरकार ल्याउन आन्दोलन नगरिएको भन्दै जेन-जी पुस्ता नै सरकारमा हुनुपर्नेमा जोड दिए । उनले सरकारले जेन-जीको भावनाविपरीत काम गरेको, अन्दोलनकारीहरुलाई आपराधीकरण गर्न लागीपरेको आरोप लगाए । 

त्यसमा राष्ट्रिय मुक्ति क्रान्तिका रणनीतिकार बुद्धछिरिङ मोक्तानले तयार पारेको 'योङ इण्डिजिनिष्ट लिग घोषणापत्र' सार्वजनिक गरिएको थियो । घोषणापत्रमार्पत औपनिवेशिकता, बाह्य प्रभुत्व र पुँजीवादी नीतिविरुद्ध स्वदेशी स्वशासनको दाबीलाई अघि सारिएको छ । 

त्यसैगरी लिगका संयोजक सनम लिम्बुले जेन-जी आन्दोलनका सहिद र घाइतेहरूको बलिदानलाई स्मरण गर्दै भने, ‘भ्रष्टाचार र अन्यायविरुद्ध लडेका युवाहरूको सपना साकार पार्न लिग निरन्तर प्रतिबद्ध रहन्छ । स्वदेही भूमिमाथि हुने सबै दमनविरुद्ध हामी सधैं अग्रपंक्तिमा रहनेछौं ।’

योङ इण्डिजिनिष्ट लिगअन्तर्गतको सर्भ एण्ड सेभमार्फत आन्दोलनमा घाइते भएका मिलन थापालाई आर्थिक सहयोग र जेन-जीहरुको अभिभावकको भूमिका निर्वाह गरिरहेको संयोजक लिम्बुले बताए ।