१२ लाख र ६ लाख रुपैयाँ ठगी गरेर सम्पर्कविहीन भएका ताम्राकार र घलेलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको छ।
काठमाडौँ — वैदेशिक रोजगारीको लागि इजरायल र जापान पठाइदिन्छु भन्दै रकम ठगी गरेको अभियोगमा २ जनालाई प्रहरीले पक्राउ गरेको छ । स्याङ्जा पुतलीबजार नगरपालिका १ बस्ने २८ वर्षीय सुसन ताम्राकार र काठमाडौं महानगरपालिका १५ बस्ने ५० वर्षीय योगेन्द्र घले पक्राउ परेका हुन ।
ताम्राकारले इजरायल पठाइदिन्छु भन्दै १ जना पीडितबाट १२ लाख रूपैयाँ र घलेले जापान पठाइदिन्छु भन्दै १ जना पीडितबाट ६ लाख रूपैयाँ लिई सम्पर्कबिहीन भएको पीडितको उजुरीको आधारमा उनीहरु सोमबार पक्राउ परेका हुन् ।
काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरूलाई काठमाडौंबाट पक्राउ गरेको थियो । उनीहरूविरुद्ध आवश्यक अनुसन्धान तथा कारबाहीका लागि वैदेशिक रोजगार विभाग ताहाचल काठमाडौं पठाइएको छ ।
