काठमाडौँ — प्रहरीले त्रिभुवन अन्तर्राष्ट्रिय विमानस्थलबाट अवैध रूपमा बाह्य मुलुक लैजान लागेको ११ लाख नेपाली रुपैयाँ र ८२ हजार ५ सय भारतीय रुपैयाँसहित एक जना भारतीय नागरिक पक्राउ गरेको छ ।
पक्राउ पर्नेमा ४५ वर्षीय सौरभ ठुकराल रहेका छन् । प्रहरीका अनुसार उनी एयर इन्डियाको उडानद्वारा काठमाडौँबाट दिल्ली जान लागेका थिए ।
उनको सुटकेस जाँच गर्ने क्रममा उक्त रकम फेला परेको प्रहरीले जनाएको छ । उनलाई आवश्यक अनुसन्धान एवं कारबाहीका लागि राजश्व अनुसन्धान विभाग हरिहर भवन पुल्चोक ललितपुर पठाइएको प्रहरीले जनाएको छ ।
