काठमाडौँ — जिल्ला प्रशासन कार्यालय ललितपुरले पुल्चोक र भैँसेपाटीस्थित मन्त्री निवास क्षेत्रमा पाँच जनाभन्दा बढी व्यक्ति भेला भई अनसन, धर्ना, घेराउ, जुलस, प्रदर्शन तथा विरोधसभा जस्ता कार्यक्रम नगर्न निषेधाज्ञा जारी गरेको छ।
स्थानीय प्रशासन ऐन, २०२८ को दफा ६ को उपदफा ३(क) बमोजिम ललितपुरका प्रमुख जिल्ला अधिकारी रमेश ढकालले आइतबार यस्तो निषेध आदेश जारी गरेका हुन्।
पूरानो मन्त्री निवास क्षेत्र पुल्चोकस्थित यु.एन. हाउस र पुरानो मन्त्री निवास क्षेत्र र भैसेपाटीस्थित नयाँ मन्त्री निवास क्षेत्रमा निषेधाज्ञा जारी भएको हो।
आइतबारदेखि जारी भएको आदेश दुई महिनासम्मका लागि रहने छ। यहाँ यसअघि पनि निषेधाज्ञा जारी भएको थियो।
