कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १९६

कोशी प्रदेश नामकरणको विरोधमा काठमाडौंमा प्रदर्शन

काठमाडौँ — कोशी प्रदेशको नाम खारेजीको माग गर्दै पहिचानवादीले काठमाडौंमा प्रदर्शन गरेका छन् । प्रदेश १ को नाम कोशी नामकरण गरेर आदिवासी जनजातिको पहिचान नामेट गरेको भन्दै प्रदेश १ पुनः नामकरण संयुक्त संघर्ष समितिले बिहीबार तीनकुनेमा विरोध प्रदर्शनसहित सभा गरेको हो ।

कोशी प्रदेश नामकरणको विरोधमा काठमाडौंमा प्रदर्शन

नेपाल आदिवासी जनजाति महासंघ, प्रदेश १ पुनः नामांकन संयुक्त संघर्ष समितिलगायतका संस्थाको आयोजनामा प्रदर्शन गरिएको हो ।

प्रदर्शनका क्रममा कालो झन्डासहित प्रदर्शनकारीले 'पहिचानविरोधी होसियार', 'कोशी प्रदेश खारेज गर', 'पहिचानको आधारमा सबै प्रान्तको नामकरण गर', 'संघीयता पुनः सीमांकन गर'लगायतका नारा लगाएका थिए । उनीहरूले प्रदेश १ को पहिचान मेट्ने काम गत वर्ष फागुन १७ गते भएको भन्दै यस दिनलाई कालो दिनका रूपमा मनाएको जनाएका छन् ।

सभामा बोल्दै जनजाति महासंघका अध्यक्ष गेल्जे लामा शेर्पाले प्रदेश नम्बर १ को पुनः नामांकन गराइछाड्ने दाबी गरे ।

प्रकाशित : फाल्गुन १७, २०८० १७:२१
प्रतिक्रिया
पठाउनुहोस्
जनताको राय

सुदूरपश्चिममा नेकपा एकीकृत समाजवादी (एस) संघीय सत्ता गठबन्धनभन्दा फरक स्थानमा उभिनुको संकेत के हो ?