सहयोगस्वरूप अटो पाएपछि अर्यालले आफ्नै गाउँका दाता र स्थानीय सरकारले आफूले गरेको कामको उचित मूल्यांकन गरेकामा आभार व्यक्त गरे ।
पर्सा — चितवन, भरतपुर आउने क्यान्सरपीडित बिरामीलाई क्यान्सर अस्पतालसम्म आफ्नो अटोमा निःशुल्क सवारी गराउँदै आएका ठोरी गाउँपालिका–१ का मनकारी अटो चालक आकाश अर्याललाई ठोरीका युवा र ठोरी गाँउपालिकाको सहयोगमा अटो प्रदान गरिएको छ ।
लामो समयदेखि बिरामीलाई नि:शुल्क अटो सेवा दिँदै आएका अर्याललाई आफ्नो सेवालाई निरन्तरता दिनका लागि ठोरी गाँउपालिकाले ३ लाख र बाँकी ठोरीका ५४ जना युवाले ३ लाख संकलन गरेर ६ लाख बराबरको अटो सहयोग गरेका हुन् ।
भरतपुरमा आयोजित एक कार्यक्रममा अर्याललाई उक्त अटो हस्तान्तरण गरिएको छ।
यो अभियान ठोरीका युवा व्यवसायी धीरसिंह घिमिरे र सन्तोष श्रेष्ठको नेतृत्वमा भएको हो । सहयोगस्वरूप अटो पाएपछि अर्यालले आफ्नै गाउँका दाता र स्थानीय सरकारले आफूले गरेको कामको उचित मूल्यांकन गरेकामा आभार व्यक्त गरे ।
हालसम्म आफूले पाँच हजार बिरामीलाई नि:शुल्क सेवा दिइसकेको उनले बताए ।
