राजविराज — शीतलहरले जाडो बढ्न थालेपछि सप्तरीको डाक्नेश्वरी नगरपालिकाले पाँच दिनका लागि विद्यालय बन्द गरेको छ ।

जाडोले विद्यार्थीको स्वास्थ्यमा पर्नसक्ने प्रतिकूल प्रभावलाई मध्यनजर गर्दै सोमबारदेखि शुक्रबारसम्मका लागि विद्यालय बन्द गरिएको हो ।

नगरपालिकाका प्रमुख प्रशासकीय अधिकृत विजयकुमार मण्डलले आइतबार सूचना जारी गर्दै विद्यालयको पठनपाठनसम्बन्धी कार्य नगर्न/नगराउन सम्पूर्ण विद्यालयलाई जानकारी गराएका हुन् । 

यसअघि जिल्लाको बोदेबरसाईन नगरपालिकाका सम्पूर्ण सामुदायिक विद्यालय पाँच दिनका लागि बन्द गरिएको थियो ।