मधेश प्रदेशसभा सचिवालयले विश्वासको मतका लागि बुधबार बिहान साढे ८ बजे बैठक डाकिएको जनाएको छ ।
जनकपुर — झिसमिसेमा बर्दिवासको होटलमा मुख्यमन्त्री नियुक्त भएका एमालेका संसदीय दलका नेता सरोजकुमार यादवले विश्वासको मत बुधबार बिहान साढे ८ बजे नै लिनु पर्ने भएको छ ।
मधेश प्रदेशसभा सचिवालयले विश्वासको मतका लागि बुधबार बिहान साढे ८ बजे बैठक डाकिएको जनाएको छ । मुख्यमन्त्री यादवले मंगलबार प्रेस मिट गरेर विश्वासको मत बुधबार दिउँसो २ बजे लिने पत्र प्रदेशसभा सचिवालयलाई पठाएको जानकारी दिएका थिए ।
प्रदेससभा सचिवालयले विश्वासको मतका लागि बिहानैको समय तोकेको छ ।
