मृतक २७ वर्षीय रमेश साह कानु कल्भर्टमुनि पानीमा भारतीय नम्बर प्लेट वीर आर २२ ए एल १२७३ को मोटरसाइकल सहित मृत भेटिएका थिए।
पर्सा — पर्साको छिपहरमाई गाउँपालिका–३ जयमंगलापुरस्थित झलमहिया र भिस्वा जोड्ने सडकको कल्भर्टमुनि शुक्रबार बिहान एक युवक मृत अवस्थामा फेला परेका छन् ।
मृतक सोही वडा जयमंगलापुरका २७ वर्षीय रमेश साह कानु हुन्। । कल्भर्टमुनि पानीमा भारतीय नम्बर प्लेट वीर आर २२ ए एल १२७३ को मोटरसाइकल सहित रमेश मृत भेटिएका थिए।
जिल्ला प्रहरी कार्यालय पर्साका प्रवक्ता डिएसपी हरिबहादुर बस्नेतले अनुसार घटनास्थल र मृतकको शारीरिक अवस्था हेर्दा साहको मृत्यु दुर्घटनाबाट भएको जस्तो देखिएको छ । थप अनुसन्धान भइरहेको उनले बताए ।
