आगजनी गरिएको प्रदेशसभाको बैठककक्ष मर्मतसम्भार गरेर त्यहीँ बैठक चलाउने तयारी रहेको प्रदेशसभा सचिवालयले जनाएको छ ।
जनकपुर — मधेश प्रदेशसभाको बैठक मंगलबार डाकिएको छ ।
सभामुख रामचन्द्र मण्डलको पहलमा भएको सर्वदलीय बैठकमा मंगलबारदेखि प्रदेशसभाको बैठक लगातार चलाउने सहमति भएको छ ।
जेन-जी आन्दोलनमा भएको दमनपछि भदौ २४ गते जनकपुरमा भएको प्रदर्शनमा मधेश प्रदेशसभा सचिवालयमा पनि आगजनी गरिएको थियो । आगजनी गरिएको प्रदेशसभाको बैठककक्षलाई मर्मतसम्भार गरेर त्यहीँ बैठक चलाउने तयारी रहेको प्रदेश सभा सचिवालयले जनाएको छ ।
