पर्सा — जेनजी आन्दोलनले प्रभावित भएको भदौ महिनामा वीरगन्ज भन्सार कार्यालयले मासिक राजस्व असुली लक्ष्य ९४ प्रतिशत मात्र पूरा गरेको छ ।

जेनजी आन्दोलनले प्रभावित भएको भदौ महिनामा वीरगन्ज भन्सार कार्यालयले मासिक राजस्व असुली लक्ष्य ९४ प्रतिशत मात्र पूरा गरेको छ । यो महिनामा २२ अर्ब ५ करोड रुपैयाँ राजस्व असुलीको लक्ष्य रहेकोमा यो भन्सारले २० अर्ब ५२ करोड रुपैयाँ राजस्व संकलन गरेको छ ।

भन्सार कार्यालयका प्रमुख भन्सार प्रशासक विष्णुप्रसाद ज्ञवालीले जेनजी आन्दोलनले भन्सारको नियमित कामकाज प्रभावित हुन पुगेकाले भदौ महिनामा लक्ष्य भेट्टाउन नसकिएको बताए । ‘आन्दोलनले भन्सार दुई दिन बन्द भयो, त्यस पछिका दुई दिन पनि आंशिक प्रभावित रह्यो,’ उनले भने, ‘नियमित रुपमा सञ्चालन हुन पाएको भए यो भन्सारले लामो समयपछि मासिक राजस्व असुली लक्ष्य भेट्टाउने थियो ।’