चन्द्रपुरको पुरानो बजारमा कलेज पोशाकमा भेला भएका किशोरकिशोरीले भ्रष्टाचारविरुद्ध विरोध जनाउँदै प्रदर्शन गरेका छन्।
काठमाडौँ — सामाजिक सञ्जाल प्रतिबन्ध र भ्रष्टाचारविरुद्ध रौतहटमा पनि जेन–जीले प्रदर्शन गरेका छन् । रौतहटको चन्द्रनिगाहपुरमा उनीहरुले सरकारविरुद्ध चर्को नाराबाजी गर्दै चोक परिक्रमा गरे ।
चन्द्रपुरको पुरानो बजारमा भेला भएका अधिकांश किशोरकिशोरीहरु कलेज पोशाकमा थिए ।
सरकारमा बसेकाहरु सबै भ्रष्टाचारमा लिप्त भएको भन्दै विरोध जनाएका छन् । यस्तै सुरक्षाकर्मीले हस्तक्षेप नगरे पनि जुलुशको निगरानी भने राखिरहेको छ ।
जिल्ला प्रहरी कार्यालयका डिएसपी राजु कार्कीले चन्द्रनिगाहपुरबाहेक जिल्लाका अन्य स्थानमा प्रदर्शन नभएको जानकारी दिए ।
