मधेश सरकारमा जनमतका सतीशकुमार सिंहले  नेतृत्व गरिरहेका छन् भने अर्थमन्त्री कांग्रेसका सुनीलकुमार यादव हुन् ।सभामुख रामचन्द्र मण्डलले सरकारको सिफारिसमा बैठक स्थगित भएको बताए । सरकारको मन्त्रिपरिषद् बैठक बस्न लागेको भन्दै बैठक स्थगन गर्न अनुरोध आएपछि स्थगित गरिएको उनको भनाइ छ । उनले भने, ‘प्रदेशसभाले बैठक स्थगन गर्ने पत्र मागेकै हो, तर सरकारले मन्त्रिपरिषद् बैठक बस्न लागेको, त्यसपछि पठाउने भनेको थियो ।’

गृह, सञ्चार तथा कानून मन्त्री तथा सरकारका प्रवक्ता राजकुमार लेखीले मन्त्रिपरिषद् बैठकमा प्रदेशसभा स्थगनको विषयमा कुनै छलफल नभएको बताए । जुन हिसाबले नीति तथा कार्यक्रम आएको थियो, त्यो आधारमा बजेट नआएको उनको पनि स्वीकारोक्ति छ । उनले भने, ‘एक–दुई दिनमा छलफल हुन्छ । गठबन्धनको बैठक आवश्यक भएको छ । त्यो बैठकले सत्य तथ्य बाहिर ल्याउनेछ होला, अहिले आरोप मात्रै बाहिर आएका छन् ।’