रामगोपालपुर नगरपालिकाले ४६ करोड १६ लाख ७६ हजार ९०१ रुपैयाँको बजेट ल्याएको छ । नगर प्रमुख रामदुलार साहले १२ नगर सभामा प्रस्तुत गरेको नीति कार्यक्रम र बजेटमा एमबीबीएस पढने विद्यार्थीलाई ५१ हजार छात्रवृत्ति, नि:शुल्क जन्मदर्ता मृत्युदर्ता र विवाह दर्ता गरिने, गरिब, विपन्न, असहाय परिवारहरुलाई विवाह खर्च र क्रिया खर्चबापत राहत प्रदाने गर्ने उल्लेख छ । रामगोपालपुर नगरपालिकाले सिँचाइमा लगानी कृषिमा आम्दनी नाराका साथ कृषि विद्युतीकरणलाई विकास गर्दै कृषि मिटर नि:शुल्क र सिँचाइ प्रयोजनक लागि लाग्ने विद्युत् महसुलमा अनुदान उपलब्ध गराउन बजेट विनियोजन गरेको छ ।

सोमबार नै एकडारा गाउँपालिकाका प्रमख दिपनारयाण मण्डलले आर्थिक वर्ष २०८२/८३ को लागि ३३ करोड ८६ लाख ९६ हजार ५० रुपैयाँको बजेट सार्वजनिक गरेको छ । १५ स्थानीय तह रहेको महोतरीमा मटिहानी, मनराशिसवा, रामगोपालपुर, एकडारा, पिपरा, सम्सी, महोतरीले अगामी आर्थिक वर्षका लागि बजेट र नीति तथा कार्यक्रम सार्वजनिक गरेका छन् । मंगलबार बलवा, औरही, सोनमा र गौ लगायतका स्थानीय तहले बजेट ल्याउने तयारी गरेका छन् ।