पर्सा — सशस्त्र प्रहरीले मंगलबार बिन्दवासिनी गाउँपालिका–१ गर्दौलबाट भन्सार छलेर ल्याइएको ५ लाखभन्दा बढीको सामान बरामद गरेको छ ।
प्रस्तावित सीमा सुरक्षा गुल्म अलौबाट खटिएको टोलीले भारतबाट अवैध रुपमा भन्सार छली नेपालतर्फ ल्याई पोखरियातर्फ लैजाँदै गरेको भन्सार ५ लाख १ हजार ४ सय रुपैयाँ बराबरका कपडासहित ना १८ प ८२७२ नम्बरको मोटरसाइकल बरामद गरेको छ ।
बरामद भएको वस्तु र मोटरसाइकल आवश्यक कारबाहीका लागि वीरगन्ज भन्सार कार्यालयमा बुझाएको सशस्त्र प्रहरी बल पर्साका सूचना अधिकारी डीएसपी देवेन्द्रबहादुर सिंहले जानकारी दिएका छन् ।
