बारा — पूर्व-पश्चिम हुलाकी मार्गअन्तर्गत् बाराकाे कलैया उपमहानगरपालिका-१४ बघवनमा शुक्रबार बसको ठक्करबाट माेटरसाइकल चालककाे मृत्यु भएकाे छ ।
बरियारपुरबाट कलैयातर्फ आउँदै गरेको ना ६ ख ५०६७ नम्बरको बसले कलैयाबाट पूर्वतर्फ जाँदै गरेको ना ३९प ७३६७ नम्बरकाे मोटरसाइकललाई ठक्कर दिएको थियो ।
दुर्घटनामा परी मोटरसाइकल चालक रौतहट बिजयपुर लक्ष्मिनियाँ नगरपालिका-५ का ३५ वर्षीय अनिलप्रसाद यादवकाे मृत्यु भएकाे जिल्ला प्रहरी कार्यालयका सूचना अधिकारी प्रहरी नायब उपरीक्षक बिजयराज पण्डितले बताए ।
दुर्घटनामा घाइते भएका यादवलाई उपचारकाे लागि कलैया प्रादेशिक अस्पताल ल्याएकाेमा उपचार नहुँदै चिकित्सकले मृत्यु भएकाे घोषणा गरेका थिए । उनको शव कलैया अस्पतालमा राखिएको छ । बसका चालक भने फरार छन् । बस जिल्ला प्रहरी कार्यालयकाे नियन्त्रणमा छ ।
