पर्सा — सशस्त्र प्रहरीले सोमबार वीरगन्जबाट २५ लाखभन्दा बढीको भन्सार छलीको कपडा बरामद गरेको छ ।
विशेष सूचनाको आधारमा प्रस्तावित सीमा सुरक्षा गुल्म वीरगन्जबाट खटिएको टोलिले विरगन्ज भन्सार कार्यालयको सहयोगमा वीरगन्ज महानगरपालिका-६ महावीर स्थानबाट चाचान मार्केटमा रहेको शिवम इम्पोरियम पसल र मार्केटको पूर्वपट्टि त्रिभुवन राजपथमा रहेको बाबुलाल चाचानको पुरानो घरको ग्राउन्ड फ्लोरमा अवैध रुपमा गोदाम गरेर राखेको २५ लाख ११ हजार ५ सय ३० रुपैयाँ बराबरको कपडा बरामद गरेको हो । बरामद कपडा वीरगन्ज भन्सार कार्यालयमा बुझाएको छ ।
सशस्त्र प्रहरी पर्सामा सूचना अधिकारी सशस्त्र प्रहरी नायव उपरीक्षक नरेन्द्र सिंह धामीले जानकारी दिएका छन् ।
