रौतहट — रौतहटको ईशनाथ नगरपालिका–७ को वडा अध्यक्षमा कांग्रेसका शेख अब्दुल खलिक विजयी भएका छन् । खलिकले ६ सय २७ मत ल्याई विजयी भएका हुन् । निकटतम् प्रतिद्वन्द्वी नेकपा एमालेका शेख अनवारले ५७५ मत ल्याए ।
नेकपा एसका सदरे आलमले ४५२ मत प्राप्त गरेको मुख्य निर्वाचन अधिकृतको कार्यालयले जनाएको छ । २ हजार ७०७ मतदाता रहेको यो वडामा आइतबार भएको मतदानमा १ हजार ८७० मत खसेको थियो । २०७९ सालको स्थानीय तहको निर्वाचनमा यही वडामा नेकपा एमालेका वडाध्यक्ष शेख खलीउल्लाह ६८३ मतसहित विजयी भएका थिए । शेख खलिउल्लाहको मृत्यु पछि यहाँ उपनिर्वाचन भएको हो ।
राजपुर–६ र गढीमाई नगरपालीका–८ मा मतगणना जारी छ । राजपुर र गढीमाईमा कांग्रेसले नै अग्रता लिएको छ ।
