महोत्तरी — महोत्तरीको रामगोपालपुर-२ मा मतगणना सुरु भएको छ । सर्वदलीय बैठकको निर्णयलगत्तै ६ बजेर ४५ मिनेटमा मतगणना सुरु भएको महोत्तरीका प्रमुख जिल्ला अधिकारी लालबाबु कवारीले जानकारी दिए ।
रामगोपालपुर-२ को वडाध्यक्ष पदका लागि भएको निर्वाचनमा २ हजार १ सय ४० मतदातामध्ये १ हजार ५ सय १४ मत खसेको मुख्य निर्वाचन अधिकृतको कार्यालयले जनाएको छ । कुल मतमा ७० प्रतिशत मत खसेको मुख्य निर्वाचन अधिकृत कोइरालाले जानकारी दिए ।
कुल खसेको मतमा ७ सय ८४ महिला र ७ सय ३० पुरुषले मतदान गरेका मुख्य निर्वाचन अधिकृतको कार्यालयले जनाएको छ । कार्यालयका अनुसार करिब ३ घण्टामा मतगणना सम्पन्न हुनेछ ।
एक वडाध्यक्षका लागि उक्त वडामा २० जना उमेदवार छन् ।
