सडक विस्तार आयोजना पश्चिम खण्डले शुक्रबार सूचना जारी गर्दै सडक चिप्लो भएको र सवारी संचालनमा असहज भएको भन्दै राति ७ देखि बिहान ५ बजेसम्म मालबहाक सवारी चलाउन रोक लगाएको हो ।
परासी — विस्तारको क्रममा रहेको नारायणगढ–बुटवल सडक खण्डअन्तर्गत दाउन्नेमा चैत ८ गतेसम्म रातिको समयमा मालबहाक सवारी चलाउन रोक लगाइएको छ ।
सडक विस्तार आयोजना पश्चिम खण्डले शुक्रबार सूचना जारी गर्दै सडक चिप्लो भएको र सवारी संचालनमा असहज भएको भन्दै राति ७ देखि बिहान ५ बजेसम्म मालबहाक सवारी चलाउन रोक लगाएको हो । यस अवधीमा यात्रुबहाक र अत्यावश्यक क्षेत्रका सवारी भने संचालन हुने छ्न् ।
चैत ६ देखि ८ गतेसम्म रातको समयमा मालबहाक सवारी चलाउन रोक लगाएको सडक विस्तार आयोजना पश्चिम खण्डका सूचना अधिकारी विकास खनालले बताए । यो अवधीमा पश्चिमतर्फ बर्दघाट र पूर्वतर्फ दुम्किवासमा सवारी रोक्न सूचनामा अनुरोध गरिएको छ ।
दाउन्नेमा सडक ढलानको काम भैरहेकाले सामान्य वर्षामा पनि सडक चिप्लो भएर समस्या हुँदै आएको छ ।
