‘मतदाता शिक्षा सञ्चालन भए पनि एउटै मतपत्रमा दुई वटा छाप लगाएको र ल्याप्चे समेत हानेको पाइयो,’ जिल्ला निर्वाचन कार्यालय बाँकेका प्रमुख शाहीले भने, ‘त्यसबाहेक चिह्नमाथि छाप लगाएको, मत माग्न आएका सबैको चिह्नमा छाप लगाएको र समानुपातिकतर्फ सबैमा छाप लगाएको पाइएको छ ।’

जिल्लामा तीन लाख ५० हजार तीन सय ७१ मतदाता भएकामा दुई लाख २१ हजार ३०९ मत खसेको जिल्ला निर्वाचन कार्यालय बाँकेले जनाएको छ । बाँकेमा २०७९ सालको प्रतिनिधिसभा सदस्य निर्वाचनमा १५ हजार ३३५ मत बदर भएको थियो ।

तीन निर्वाचन क्षेत्र रहेको बाँकेमा ३ लाख ५० हजार ३ सय ७१ मतदाता रहेका छन् । यीमध्ये एक लाख ७८ हजार १३९ पुरुष, एक लाख ७२ हजार २२३ महिला र नौ जना अन्य मतदाता रहेका छन् ।