फागुन १५ मा आफ्नो समुदायको ऐतिहासिक पहिचान, भाषा, संस्कृति र अधिकारको संरक्षण र प्रवर्द्धन गर्दै मगर दिवस मनाइँदै आएको छ ।
कपिलवस्तु — मगर दिवसको अवसर पारेर फागुन १५ मा जिल्लाका दुई स्थानीय तहले बिदा दिएका छन् ।
पूर्व–पश्चिम राजमार्गमा पर्ने वाणगंगा र शिवराज नगरपालिकाले बिदा दिएका हुन् ।
वाणगंगाका नगर प्रमुख चक्रपाणी अर्याल र शिवराजका नगर प्रमुख अजय थापाले सूचना जारी गर्दै अत्यावश्यक सेवाबाहेक नगरपालिका, वडा कार्यालय, स्वास्थ्य तथा शिक्षण संस्था बन्द हुने सार्वजनिक सूचना जारी गरेका हुन् ।
मगर दिवस फागुन १५ गते (नेपाल मगर संघको स्थापना दिवस) का रूपमा मगर समुदायको ऐतिहासिक पहिचान, भाषा, संस्कृति र अधिकारको संरक्षण र प्रवर्द्धन गर्दै मनाइँदै आएको छ ।
