बँदेललाई थापेको पासोमा चितुवा परेर मरेको हो
अर्घाखाँची — अर्घाखाँचीमा बँदेललाई थापेको पासोमा चितुवा परेर मरेको छ । सन्धिखर्क नगरपालिका-७ उपल्लो किटेनी गाउँकाे बारीको छेउमा थापेको पासाेमा चितुवा परेको थियो ।
स्थानीयले बिहीबार बिहानै चितुवा पासाेमा परेको देखेपछि डिभिजन वन कार्यालयलाई खबर गरेका थिए । वनकाे टाेली उद्धारका लागि जानुभन्दा अघि नै चितुवा मरेकाे डिभिजन वन कार्यालयका सूचना अधिकारी केशर खड्काले बताए । भाले चितुवाकाे लम्बाइ ५ फिट १० फुट र दुई फिट चाैडाइ रहेको छ ।
वन्यजन्तुले खेतबारीमा उत्पादन भएको अन्नबाली, तरकारी नाेक्सान गरिदिएपछि स्थानीयले बँदेललाई पासाे थापेका थिए ।
