बर्दिया — ‘कर्णाली टप्पु’का रुपमा प्रसिद्ध जिल्लाको राजापुरका किसान वर्षौदेखि सिचाइँ र मल अभावबाट गुज्रिरहेका छन् । राजापुरलाई अन्न भण्डारका रुपमा प्रचार गरिएपनि स्थानीय बासिन्दा लामो समयदेखि सिचाइँ, मल र बीउकै समस्या झेल्न बाध्य छन्  

राजापुरका मतदाता प्रत्येक निर्वाचनमा नदी कटान, बाढीको समस्या, मलखादका साथै गुणस्तरीय शिक्षा र स्वास्थ्य माग गर्दै आएका छन् । उम्मेदवार पनि यस्ता समस्या हल गरिदिने वाचा गर्छन् । तर, चुनाव जितेपछि फर्किएर बस्तीमा नआउने उनीहरुको गुनासो छ । 

यसपाली यहाँका मतदाता माग सम्बोधनसँगै प्रतिबद्धता पूरा गर्ने उम्मेदवारलाई भोट दिने बताउँछन् । राजापुर–२, का जिउधन थारुले नहर निर्माण आवश्यक रहेको बताए । तर, अहिलेसम्म सुनवाई नभएको उनले बताए । ‘अन्त कालोपत्रे भइसक्यो, हाम्रो गाउँको सडकको बिजोग छ,’उनले भने, ‘मलखादको चरम अभाव छ ।’ 

कर्णाली र गेरुवा नदीले घेरिएको नगरपालिका र गेरुवा गाउॅपालिकाका आ–आफनै समस्या छन । पालिकामा सडक सञ्जाल विस्तार हुँदै गएपनि वर्षातमा बाढीका कारण विस्थापित हुनुपर्ने समस्या रहेको बताए । कर्णाली र बुढी खोलाले खेतीयोग्य जमिन कटान गर्छन् ।