अग्रेजी नयाँ वर्ष २०२६ सालको  र पुरानो वर्षको बिदाईमा आन्तरिक र विदेशी पर्यटकको आगमन बढेको छैन । विगतमा झैं नयाँ वर्षको पूर्व सन्ध्यामा पर्यटक आगमन सन्तोषजनक नभएकोमा पर्यटन व्यवसायी निराश भएका छन् । 

नयाँ वर्षका दिन केही होटल अग्रिम बुकिङ भइसकेको छ । आन्तरिकसँगै केही विदेशी पर्यटक पनि पुरानो वर्षलाई बिदाई र नयाँ वर्षलाई स्वागत गर्न यसवर्ष पनि आएका छन् । यहाँका होटल र रेष्टुराँमा थारु संस्कृति झल्कने कार्यक्रम राखिएको छ । पर्यटन व्यवसायी एवं संरक्षणकर्मी कृष्णप्रसाद भट्टराइले अंग्रेजी नयाँ वर्ष मनाउन होटल अग्रिम बुक भएको बताए । 

‘विगत जस्तो पर्यटकको आगमन छैन,’ उनले भने, ‘विभिन्न आन्दोलनका कारण पर्यटन व्यवसायी मर्कामा परेका छन् ।’ ९ सय ६८ वर्ग किमी ओगटेको निकुञ्जमा बाघ, गैंडा, हात्ती लगायतका जनावर सहजै हेर्न पाउँदा पर्यटक आउने गर्छन् । पर्यटन व्यवसायी रामजी बाबु थापाले आर्थिक मन्दीले यसवर्ष उत्साहजनक रुपमा पर्यटक भित्रन नसकेको जनाए ।