निर्वाचन क्षेत्र नम्बर १ बाट ४ र २ बाट ६ जनाको नाम समानुपातिकतर्फको सिफारिस गरिएको हो ।
बर्दिया — आगामी फागुन २१ गते हुने भनिएको प्रतिनिधिसभा निर्वाचनका लागि एमाले बर्दियाले समानुपातिकतर्फ उम्मेदवार सिफारिस गरेको छ ।
निर्वाचन क्षेत्र नम्बर १ बाट ४ र २ बाट ६ जनाको नाम समानुपातिकतर्फको सिफारिस गरिएको हो । क्षेत्र नम्बर १ बाट धनेश यादव, कमला ज्ञवाली, कुलानी थारु र कृष्ण गुरुङलाई सिफारिस गरेको एमाले जिल्ला कमिटीका सचिव पदम ढकालले बताए ।
यसैगरी क्षेत्र नम्बर २ बाट लौटन थारु, सीता मैया शाही, रामप्रसाद वादी, टंक वली, ओम नेपाली र विमला केसीको नाम सिफारिस गरिएको उनले जनाए ।
