गम्भीर घाइते भएका पौडेलको उपचारका क्रममा जिल्ला अस्पताल पृथ्वीचन्द्र परासीमा मृत्यु भएको हो ।
परासी — पश्चिम नवलपरासीको सुनवलमा बाबु-छाेरा सवार कार दुर्घटना हुँदा बाबुकाे मृत्यु भएको छ भने छाेरा घाइते छन् ।
दुर्घटनामा गम्भीर घाइते भएका अर्घाखाँची पाणिनी गाउँपालिका-६ का ८० वर्षीय मणिराम पौडेलको जिल्ला अस्पताल पृथ्वीचन्द्र परासीमा मृत्यु भएको हो ।
बुटवलबाट बर्दघाटतर्फ गइरहेकाे प्रदेश नम्बर ३–०१–०२३ च ५०७५ नम्बरको कार साेमबार दिउँसाे १ बजेतिर पूर्वपश्चिम राजमार्ग अर्न्तगत सुनवल नगरपालिका–१३ सूर्यबस्तीमा अनियन्त्रित भएर पुलबाट खसेकाे थियाे ।
बाबु–छोरा मात्रै सवार रहेको कारमा मृतक पौडेलका छोरा कारचालक ४३ वर्षीय हरिशचन्द्र घाइते भएका छन् । उनको जिल्ला अस्पतालमा उपचार भइरहेको छ ।
