दाङ — जेन-जी आन्दोलनका क्रममा आगजनी हुँदा उच्च अदालत तुलसीपुरको भवन प्रयोग गर्न नमिल्ने गरी क्षतिग्रस्त भएको छ । भवनमा रातो स्टिकर टाँसेर प्रयोग गर्न नमिल्ने जनाइएको छ ।

भवन प्रयोगमा आउन नसकेपछि प्रहरी सुरक्षा ब्यारेकमा प्रशासनिक काम र ग्यारेजमा इजलास सञ्चालन गरिएको अदालतका रजिष्ट्रार यमप्रसाद बासकोटाले बताए । आगजनीपछि अदालत पाँच दिनसम्म पूर्णरूपमा बन्द रह्यो भने नियमित सेवा दिन एक महिना लाग्यो । असोज २६ देखि मात्रै अस्थायी इजलास बनाएर नियमित सुनुवाइका कामहरू सुरु भएका हुन् ।

आगजनीबाट पुराना मिसिलहरू जलेर नष्ट भएका र अहिले ती मिसिलका कागजात संकलनको काम भइरहेको बासकोटाले बताए । हाल नयाँ रिट र जिल्ला अदालतका निवेदन लिने काम भइरहेको उनले जानकारी दिए ।