सन्धिखर्कबाट असुरकोटतर्फ जाँदै गरेको जिप दुर्घटना हुँदा आठ जना घाइते भएका हुन् ।
अर्घाखाँची — सन्धिखर्कबाट असुरकोटतर्फ जाँदै गरेको जिप दुर्घटना हुँदा आठ जना घाइते भएका छन् ।
भूमिकास्थान नगरपालिका-६ असुरकोटमा लु १ ज १७०६ नम्बरको जिप ब्रेक फेल हुँदा सडकबाट डेढसय मिटर तल खसेको थियो । जिपमा सवार ११ जना यात्रु मध्ये ८ जना घाइते भएको अर्घाखाँची प्रहरीले जनाएको छ ।
घाइतेको अर्घाखाँची अस्पताल सन्धिखर्कमा उपचार भइरहेको छ ।
घटनाको थप अनुसन्धान भइरहेको प्रहरीको भनाइ छ ।
