लुम्बिनी — चरा र आध्यात्मिक पर्यटनका क्षेत्रमा नयाँ आयाम थप्न लुम्बिनीमा सारस लुम्बिनी टुर्स एण्ड ट्राभल कम्पनी संचालनमा आएको छ ।

नेपाल–भारत थाई धम्मदूत भिक्षु एसोसिएसनका उपाध्यक्ष फ्रा राजबोधी विदेश बजिराबुद्धिले बौद्ध परम्परा अनुसार शुक्रबार उक्त कम्पनीको उद्घाटन गरेका हुन् । 

लुम्बिनी क्षेत्रका चरा, जैविक विविधता, पर्यापर्यटन, भिलेज टूर र बृहत्तर लुम्बिनी गुरुयोजना क्षेत्रका आध्यात्मिक र शान्ति क्षेत्रको आईटनरी बनाएर पर्यटन प्रवर्द्धन गर्ने उद्देश्यले कम्पनी संचालन गरिएको सीईओ अर्जुन कुर्मीले बताए  ।

‘नाफाभन्दा पनि सेवा भावले घाास, वन, रैथानैसँगै सिकारी चराका लागि विश्वकै उत्कृष्ट स्थल रहेको देखाउनुछ,’ उनले भने, ‘त्यही भएर कम्पनीको नाम पनि विश्वकै दुर्लभ चरा सारसबाट राखेको हुँ ।’