घटनास्थलमा राजापुर, गुलरिया लगायतका ठाउँबाट प्रहरी अनुसन्धान अधिकृत सहित सादा पोसाकका प्रहरी खटिछकाएन । केही शङ्कास्पद फरार रहेको प्रहरीले जनायो । बालिकाका मामा दीर्घ चलाउनेले अपराधीले भान्जीलाई हत्या गरी बालुवामा पुरेको बताए । भान्जी माथि यौन दुर्व्यवहार गरी हत्या गरेर कानको सुन र घाँटीमा लगाएको चाँदीको सिक्री लुटेका छन्,’ उनले भने ‘अपराधीलाई पक्राउ गरी कडा भन्दा कडा सजाय हुनु पर्छ।' 

गणेशपुर सामुदायिक वन क्षेत्रमा उक्त घटना भएपछि स्थानीय त्रसित छन्। गेरुवा गाउँपालिका–५ का समीर शाहले यो हत्या नै भएकोले प्रहरीले गम्भीरतापूर्वक अनुसन्धान हुनुपर्ने बताए । 'दोषी उम्किन नपाउन उनीहरूलाई पक्राउ गरी कडा भन्दा कडा सजाय दिनुपर्छ,' उनले भने । विगत केही समय यता यस सामुदायिक वनमा लागुऔषध सेवनकर्ताका लागि सुरक्षित ठाउँ भएकोले दुर्व्यसनी आउने गरेको स्थानीयले बताए ।

कक्षा-४ मा रुपन्देहीस्थित मुर्गियामा आफन्तको घर बसेर पढ्दै गरेकी भारती दसैँ मान्न घर आएकी मामा दीर्घले बताए । उनको हत्या भएपछि झबई गाउँका बासिन्दा शोकमा छन । प्रहरीले शव परीक्षणका लागि बुधवार नेपालगन्ज लैजाने जनाएको छ । यसैबीच पीडितले मंगलबार कर्तव्य ज्यान मुद्दामा किटानी जाहेरी दिएको जिल्ला प्रहरी कार्यालय, बर्दियाका सूचना अधिकारी एवं डीएसपी देवेन्द्र मल्लले जनाए । घटनास्थल सदरमुकाम गुलरियाबाट पश्चिम उत्तर करिब ५० किमि दुरीमा पर्दछ ।