दाङ– दाङमा आज बेलुका ५ बजेदेखि भोलि बिहान ५ बजेसम्म कर्फ्यु आदेश जारी भएको छ । प्रमुख जिल्ला अधिकारी विश्वप्रकाश अर्यालले शुक्रबार सूचना जारी गर्दै कसैले आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने गरी कर्फ्यु आदेश जारी गरिएको जानकारी दिएका छन् ।
विभिन्न ठाउँमा भएका प्रदर्शन हिंसात्मक भई सार्वजनिक सम्पत्ति, सरकारी कार्यालय र व्यक्तिका सम्पत्ति तोडफोड र आगजनी भएको र फेरि त्यस्ता घटना हुनसक्ने सम्भावना भएकाले कर्फ्यु आदेश जारी भएको उनले बताए ।
