गुल्मी — गुल्मीको कालीगण्डकी करिडोर र डहरे खोलामा यातायात सञ्चालनमा आएको छ । शुक्रबार बिहानैदेखि अवरुद्ध सडक सुरु भएको जिल्ला प्रहरी कार्यालय गुल्मीका प्रमुख प्रहरी उपरीक्षक नारायणप्रसाद अधिकारीले जानकारी दिए । 

कालीगण्डकी गाउँपालिका-२ राक्सेमा माथिबाट खसेको पहिरोका कारण कालीगण्डकी करिडोर अवरुद्ध बनेको थियो । साथै सत्यवती गाउँपालिका-६ मा पानीको बहाव बढेपछि डहरे खोलामा सडक अवरुद्ध बनेको थियो । 

वर्षा रोकिएपछि दुवै सडकखण्डको अवरुद्ध खण्ड सञ्चालन भएको हो । सडक अवरुद्ध हुनासाथ दुवै ठाउँमा खुलाउने प्रयास गरिएको थियो । कालीगण्डकी करिडोर चीन भारत जोड्ने सबैभन्दा छोटो दूरीको सडक मार्ग हो ।