युवकलाई आवश्यक कारबाहीका लागि जिल्ला अदालत, बर्दियाबाट शुक्रबार ५ दिनको म्याद थप गरिएको छ ।
बर्दिया — प्रहरीले बर्दिया बढैयाताल गाउँपालिका–७ कण्ठपुर चेकपोस्टबाट ब्राउन सुगरसहित एक युवकलाई पक्राउ गरेको छ ।
भारतबाट पैदल आइरहेको मधुवन नगरपालिका–७ विजयकालिका टोलका ३८ वर्षीय महेन्द्र सुवेदीलाई शंका लागि जाँच गर्दा पक्राउ परेको प्रहरीले जनाएको छ ।
जिल्ला प्रहरी कार्यालय, बर्दियाका सूचना अधिकारी एवम् डिएसपी चक्र डमरपालले पक्राउ परेका सुवेदीबाट ४ ग्राम २ सय मिलीग्राम ब्राउन सुगरजस्तो देखिने खैरो रंगको गिलो पदार्थ फेला पारेको जानकारी दिए । उनलाई आवश्यक कारबाहीका लागि जिल्ला अदालत, बर्दियाबाट शुक्रबार ५ दिनको म्याद थप गरिएको उनले जनाए ।
